Novas
Hoxe queremos felicitar, che@s de ledicia, á nosa querida Carolina Díguele, mestra de artes plásticas na Xanela, por gañar o premio ao mellor vestiario por “Alta costura” (representada por Elefante elegante) dentro da XXX edición dos premios María Casares, que organiza a Asociacion de Actores e Actrices de Galicia.![]()
![]()
Que sorte temos de contar cunha artista así no noso día a día! O seu talento, creatividade e sensibilidade nótanse en cada proposta, en cada obradoiro e en cada momento que pasa con nós! Con ela aprendemos a mirar doutro xeito, a experimentar e crear sen medos e… tamén a crer un pouco máis nas nosas propias capacidades! 🥰🥰🥰![]()
![]()
Estamos moi orgullos@s de ti, Carolina! Este premio recoñece o teu arduo traballo e quenes temos a sorte de terte preto sabemos que o mereces de sobra. Grazas por compartir a túa arte, paciencia e ilusión con nós. Parabéns, ARTISTA! 👏👏👏
Hai uns días, na Xanela tivemos un motivo moi especial para celebrar: Cumprimos 26 anos de vida como asociación! 26 anos compartindo camiño, medrando xunt@s e traballando pola inclusión e o benestar das persoas 😊![]()
![]()
Para tan sinalada ocasión, tivemos a sorte de contar coa compañía de Andrés Penabad, gran acordeonista pontés e todo un orgullo para a nosa vila, que nos fixo desfrutar dunha magnífica sesión musical! Queremos darlle as grazas de corazón por acompañarnos nun día tan especial para nós. Foi todo un privilexio compartir este aniversario ao son da súa música!![]()
![]()
Seguimos sumando anos, experiencias e ilusión! E sempre en moi boa compañía 😉🥰🥰![]()
![]()
#axanela #concellodeaspontes
Seguimos sumando encontros! O pasado sábado estivemos no "XXI Encuentro de Bolillos de Mieres", organizado pola Asociación Cultural El Buemporqué coa colaboración do Ayuntamiento de Mieres, desfrutando dunha fantástica xornada, moi ben acompañad@s e... Con ambientazo! Xa é a terceira vez que acudimos a este evento tan macanudo e, como non podía ser doutro xeito, volvemos a pasalo de marabilla!![]()
![]()
Coma sempre, foi un pracer compartir espazo con tantas palilleiras, intercambiando experiencias e aprendendo arredor desta arte que tanto nos namora cada día! E, máis aló dos palillos, estes encontros son tamén momentos de convivencia, socialización, xenerosidade e diversión!![]()
![]()
Viñemos con gran sabor de boca (e non só por todo o que metemos no bandullo…) 😋 E xa estamos para outra! 😁
Durante as dúas últimas semanas estivemos a traballar arredor do Día Internacional da Muller e, nesta ocasión, fixémolo revisitando un clásico do cine: Tomates verdes fritos. 🥰![]()
![]()
Despois de ver a peli, afondamos no seu argumento e reflexionamos sobre a importancia de compartir e transmitir as historias de vida entre mulleres, porque nas experiencias doutras tamén atopamos aprendizaxes para as nosas propias. A partir de aí, xurdiron conversas e debates interesantes: Lembramos situacións de inxustiza, racismo e machismo do pasado (e algunha que outra máis actual), a evolución da loita polos dereitos da muller e de todo o camiño que aínda queda por recorrer. E como aquí sempre intentamos levar á práctica as ideas, plasmamos as nosas conclusións nun preciosisisímo 😍 mural colectivo no que recollimos os valores que máis nos inspiraron: Amizade, loita, superación, igualdade, apoio e vellez.![]()
![]()
Gustounos tanto a peli que xa nos entraron ganas de ler o libro, por aquelo que sempre se di de que as películas quedan curtas respecto ás historias escritas nas que se basean… Isto da para varias xornadas de clube de lectura 😋![]()
![]()
#axanela #concellodeaspontes #8M #DíaInternacionaldaMuller
O pasado xoves achegámonos con un grupiño de persoas usuarias ata a Fundación Museo Etnográfico Monte Caxado para visitar a exposición temporal de @Asociación Amigos da Madeira As Pontes, ademáis de aproveitar para percorrer un pouquiño o resto do museo. Foi unha visita realmente inspiradora e queremos agradecer de todo corazón a José María a súa magnífica visita guiada! Nótase o agarimo e paixón polo que fai en cada palabra que di e así da moito gusto aprender!![]()
![]()
E, para máis, levamos unha moi agradable sorpresa: No museo atópase un tear que foi montado, xa hai moitos anos, pola avoa da nosa Manolita. Podedes velas ás dúas: Manolita posando ben orgullosa e, ao fondo, a súa avoa nunha fotografía mural que honra o seu legado. Como non atopamos palabras para describir o momento como merece, só diremos que foi 🫶🫶🫶🫶🫶![]()
![]()
Moitas grazas por recibirnos tan ben, foi un día estupendo! E aproveitamos para dar a noraboa á fundación por un museo de excelencia e alto valor cultural e de preservación da memoria colectiva! 🥰🥰
Abrimos o prazo para participar no Concurso de Deseño do Cartel da IV Carreira Andaina Solidaria As Pontes Contigo.![]()
![]()
Buscamos unha imaxe que represente o espírito de solidariedade, inclusión e deporte, destacando a participación de persoas con diversidade funcional e de persoas maiores.![]()
![]()
➡️ Quen pode participar? Calquera persoa, individualmente ou en grupo, sen límite de idade.![]()
![]()
🖼 Formato do cartel: 50 cm (alto) x 35 cm (ancho). Formato dixital en JPG, PNG ou TIFF.![]()
![]()
📅 Prazo de envío: Ata o 15 de abril ás 23:59 h.![]()
![]()
📧 Envío das propostas: aspontescontigocarreira@gmail.com (Asunto: Concurso de Carteis As Pontes Contigo).![]()
![]()
🏆 Premio: 100 € e o teu cartel será a imaxe oficial da IV Carreira Andaina Solidaria As Pontes Contigo.![]()
![]()
📄 Consulta aquí as bases completas: n9.cl/3re5n![]()
![]()
Anímate a participar, comparte nas túas redes e axúdanos a difundir os valores de solidariedade, igualdade e inclusión!![]()
![]()
#aspontescontigo #axanela #concellodeaspontes
Esta fin de semana estivemos en Neda, desfrutando do XX Encontro de Palilleiras, organizado pola Asociación Palilleiras Filigrana, en colaboración co Concello de Neda![]()
![]()
Unha marabilla de ambiente. Artesanía, tradición e talento por todos lados! Dá gusto ver como se mantén viva unha arte tan nosa e tan chea de detalle. Queremos aproveitar para felicitar a Filigrana pola organización e por estas vinte edicións de convivencia e posta en valor do traballo das palilleiras. A por outras tantas!![]()
![]()
Nós pasámolo estupendamente entre fíos, risas (algo de comer) e en moi boa compañía. Xa estamos contando os días para a seguinte! 🥰🥰🥰
Se hai uns días viaxábamos polos Entroidos tradicionais galegos… Este venres puxémonos en modo olímpico, aproveitando que estamos cos Xogos de inverno, celebramos o noso Carnaval cunha temática deportiva que deu moito xogo 😜![]()
![]()
Dende logo, se repartiran medallas á enerxía e ao bo humor, levaríamos ouro, prata e bronce! 🥇🥈🥉![]()
![]()
E atención! Porque esos freixós que quedaran pendientes… Comímolos, xunto con outros postres típicos destas datas, con moita soltura. Podemos dicir que fixemos un “adestramento intensivo” para manter o equilibrio entre deporte, bailando ao son d@s nos@s querid@s músic@s, e larpeiradas! 😋
Este pasado venres fixemos unha viaxe virtual polos Entroidos tradicionais de Galicia! Coñecimos, entre outros, aos peliqueiros de Laza, os cigarróns de Verín, os Volantes de Chantada, os Boteiros de Vilariño ou as Pantallas de Xinzo. Un auténtico tour carnavalesco ao que só lle faltou unha tandiña de freixós para meternos de cheo no espíritu do Entroido, pero imos deixalos para o día do baile, que non se pode abusar deles 😋![]()
![]()
E como aquí non sabemos quedar quietiñ@s, puxémonos mans á obra decorando as mitras dos Peliqueiros, cada quen coa técnica que máis lle gustaba, aínda que o collage e o mosaico gañaron por goleada! Nivelazo de cor e imaxinación, a que si? 🥰🥰🥰
🌱 O venres pasado e con motivo do Día Mundial da Educación Ambiental, na Xanela argallamos unha tardiña moi amena e didáctica: Primeiro vimos a película Wall-E, unha distopía cuxa trama principal versa sobre o colapso ecolóxico, a sobreexplotación dos recursos e unha contaminación que acaba coa viabilidade da vida no noso planeta. Deunos tanto que pensar, que a continuación fixemos un cinefórum para reflexionar sobre as diferentes cuestións que se abordan na mesma. Falamos do consumismo sen control, da cantidade de lixo que xeramos no día a día e de como, moitas veces sen ser conscientes, imos deixando unha pegada demasiado grande no noso planeta. Asemade, reflexionamos sobre a importancia de coidar o medio no que vivimos e de concienciar ás novas xeracións porque… Non! Non temos un planeta B (e o de cambiar a outro, polo que sexa, está complicado)![]()
![]()
En definitiva, unha tarde moi interesante, de escoitarnos, de opinar e de sacar conclusións… E de lembrar que cada pequeno xesto que facemos conta. Se todos imos cambiando hábitos, reducindo resíduos, reutilizando as cousiñas… Podemos cambiar o mundo: Malia que sexa pouquiño a pouquiño, temos que aportar o noso gran de area! 💪![]()
![]()
#axanela #concellodeaspontes
Aquí vos deixamos unhas pouquiñas fotos do noso Obradoiro de estampación, enmarcado dentro do proxecto En-Red-Arte de COGAMI, unha iniciativa que aposta por achegar a cultura ás persoas con diversidade funcional dun xeito participativo, creativo e moi vivencial! ![]()
![]()
Esta foi a primeira de varias sesións, sempre da man da nosa querida Carolina, que nos guía con paciencia, xeitiño e bo humor, e… O obradoiro está que promete! Temos un grupo de artistas con talentos enormes e ganas infinitas! ![]()
![]()
Con estas actividades non só poñemos a traballar a imaxinación e a creatividade, senón que exploramos diferentes disciplinas artísticas, despertamos a curiosidade e rompemos prexuízos, demostrando que a cultura é para todas as persoas 🥰🥰🥰![]()
![]()
#axanela #EnRedArte #cogami
Na Xanela abrimos novas prazas para o noso Obradoiro de Memoria! Un espazo pensado para exercitar a mente, compartir, aprender, socializar… Todo dun xeito ameno e participativo, mediante actividades grupais (hai que ver como poñen a quinta marcha cando van a contrareloxo 😜) e individuais! Porque coidar o cerebro e mantelo en forma tamén pode ser divertido! 😋![]()
![]()
As prazas son limitadas, así que se che apetece probar ou ter máis información sobre o obradoiro, podes chamar sen compromiso ao noso teléfono: 607230249.![]()
![]()
#axanela #concellodeaspontes #obradoirodememoria