Novas
A pasada semana deu comezo un novo obradoiro de arte e reciclaxe na Xanela! Todos os xoves, da man da nosa voluntaria Cristina, iremos descubrindo diferentes técnicas e formas de transformar materiais que xa tiveron unha primeira vida para convertelos en novas creacións.Na primeira sesión comezamos coñecendo a técnica do estarcido, unha maneira sinxela e moi creativa de facer debuxos e estampados utilizando plantillas. E, por suposto, xa estamos a pensar en todo o que podemos facer a partir de aquí!Iremos ensinándovos algunhas das creacións que vaian saíndo deste obradoiro, porque temos a seguridade de que Cristina e as súas mans argalleiras van darnos máis dunha sorpresa 😜#axanela #ConcellodeAsPontes
Esta semana están dando comezo os obradoiros do programa de envellecemento activo Activamente, un programa promovido polo Concello de As Pontes para fomentar un envellecemento activo e saudable, favorecendo que as persoas maiores de 60 anos do municipio se manteñan física, cognitiva e socialmente activas.E aquí vai un anaquiño de información que nos fai especial ilusión compartir: A Xanela foi a entidade adxudicataria da licitación para desenvolver este programa durante os próximos 3 anos! 😊Xa estamos, por tanto, mans á obra cos contidos dos obradoiros, que este ano se desenvolverán nas asociacións de veciños de FOCAPA, Campeiras, Painceiras de Bermui e Ribadeume, Magdalena, San Pedro de Eume, Encoro da Ribeira (Marraxón), Vincallo e Raíces de Goente.Para nós é unha satisfacción poder asumir novamente este proxecto e darlle continuidade nos vindeiros anos, achegando a nosa experiencia e o noso xeito de facer as cousas. Agardamos que a satisfacción non sexa só nosa, senón de todas as persoas participantes! 🥰🥰🥰Podes consultar a licitación aquí: n9.cl/i9mug#axanela #ConcellodeAsPontes #envellecementoactivo
Seguimos co noso roteiro cultural! Onte achegámonos ata Bergondo para visitar o Pazo de Mariñán e coñecer un chisquín máis da nosa contorna. Paseamos polos seus impresionantes xardíns de estilo francés e descubrimos algúns detalles da historia e patrimonio do Pazo. No interior non estaba permitido sacar fotos, así que non podemos ensinarvos esa parte, pero si podemos chivarvos que nos chamaron a atención os cadros de Modesto Brocos e, sobre todo, o coro, que tiña unha acústica espectacular!Polas caras que traíamos á volta, podemos dicir claramente que houbo quen quedou namorad@ de Mariñán (e non é para menos)! 🥰🥰🥰Seguimos coñecendo lugares e engadindo destinos ao noso particular roteiro. Quen sabe a onde nos levará a próxima escapada 😉#axanela #ConcellodeAsPontes #ocioinclusivo
Onte cambiamos de aires e pasamos a tarde en Pontedeume! Demos un paseíño pola beira do mar e aproveitamos para coñecer un pouco máis esta fermosa vila, amiga e veciña da nosa… Porque ás veces non fai falta ir moi lonxe para pasar un ratiño ben agradable!Deixámosvos unhas fotos desta pequena escapada, estamos desexando seguir coñecendo outras vilas da contorna en próximas viaxes!#axanela #ConcellodeAsPontes #ocioinclusivo
Estes días estamos a ver, tristemente, como varios incendios forestais verdadeiramente pavorosos asolan montes e poboacións. Por iso, onte levamos a cabo un obradoiro no que tratamos esta problemática que se repite ano tras ano, as súas consecuencias e a importancia da prevención.Primeiro vimos o documental “Queimar o monte”, que aproveitamos para recomendarvos. Despois compartimos impresións e opinións nun coloquio moi interesante e, finalmente, decidimos elaborar un cartel para lembrar unha idea moi importante: “Coidar o noso monte. A prevención do lume comeza en nós”.Porque cada pequeno xesto conta e entre tod@s podemos poñer o noso graíño de area para protexer o noso maior tesouro, que non é outro que o medio onde vivimos.#AXanela #ConcellodeAsPontes #TodxsContraOLume
Aquí chegaron, acabadas de saír do forno, as fotos da IV Carreira Andaina Solidaria As Pontes Contigo! Xa podedes buscarvos nelas e volver, por un momentiño, a esa mañá que pasamos xunt@s facendo quilómetros, conversando, animando e colaborando!Queremos aproveitar para dar as grazas a todas as persoas participantes, ao voluntariado, ás entidades e empresas colaboradoras e ao Concello de As Pontes: Grazas a tod@s por facer posible, un aniño máis, esta carreira solidaria que nos axuda coas nosas actividades e terapias! 🥰🥰🥰Agardamos que vos atopedes nalgunha foto… E, se non é así, xa tedes unha boa escusa para repetir na próxima edición 😜#axanela #ConcellodeAsPontes #aspontescontigo
Hoxe pola mañá achegámonos a compartir un bo ratiño cos compis do Centro de Día de As Pontes, con quen estivemos a preparar flores para a tradicional alfombra floral que este domingo lucirá ao paso da procesión do Carme 😊Entre flor e flor, houbo tempo para máis: Conversamos, botamos unhas risas e recuperamos forzas cun aperitivo que nos ofreceron (e que nos sentou estupendamente)! E así fomos poñendo o noso graíño de area… Ou, mellor dito, o noso petaliño de flor!Moitas grazas por recibirnos e compartir esta mañá connosco. Agora só queda agardar para ver o resultado final da alfombra, que, de seguro, quedará preciosa, coma todos os anos 🥰🥰🥰#axanela #ConcellodeAsPontes
Onte cambiamos de aires e puxemos rumbo a Ares para pasar unha tarde ben agradable! Paseamos sen présa, gozamos das vistas ao mar, da brisa, do parloteo… E aproveitamos para desconectar un pouquiño da rutina. Que ben senta unha tarde así!E, claro… Chegou o momento da gran decisión: De que sabor pedimos o xeado?? Porque se hai algo que temos claro é que na Xanela somos un pouco larpeir@s 😋… E un paseo de verán sen o seu correspondente xeadiño non conta igual!Xa estamos desexando que chegue a próxima escapada!#axanela #ConcellodeAsPontes #ocioinclusivo
Cada vez falta menos para a IV Carreira-Andaina Solidaria As Pontes Contigo e queremos lembrarvos algunhas cousiñas importantes!A primeira delas: non tiredes o dorsal ao rematar a proba! Este ano haberá un sorteo por dorsais, así que gardádeo ben porque será o voso número para participar.Ademáis, como xa é tradición, teremos tamén o noso sorteo por rifas, con uns estupendos agasallos aportados por entidades e empresas como o Real Club Deportivo de La Coruña, Iberik Hoteles Guitiriz, Eferro , Cafés Candelas ou artistas de Artpo, entre outras (que tampouco vos imos dicir todo 😋).Este ano tamén estreamos novo percorrido, cun circuito de 1,8 km, do que vos deixamos o mapa para que lle botedes un ollo e vaiades quentando motores!E aínda hai unha novidade máis! Ese día tamén poremos á venda as totebags da Xanela, perfectas para levar un anaquiño da carreira para a casa 😉Se aínda non vos apuntastes, aínda estades a tempo. Podedes inscribirvos presencialmente na Xanela ou ben na web www.carreirasgalegas.com/events/iv-carreira-andaina-solidaria-as-pontes-contigo/Ll7xeYmO ata o venres! Despois, poderedes facelo o propio día do evento (pero non nos remoloneedes moito 😜)Agardámosvos na liña de saída! 🥰🥰🥰
A IV Carreira-Andaina Solidaria As Pontes Contigo está cada vez máis preto! Se che apetece botar unha man, buscamos voluntariado para colaborar en distintas tarefas:- Apoio no circuito, orientando e animando ás persoas participantes.- Colaboración en aspectos loxísticos e de organización do evento.Non fai falta experiencia, só ganas de formar parte dunha xornada que para nós é moi especial! Se cres que podes axudarnos, ponte en contacto coa Xanela no teléfono (ou WhatsApp) 607 230 249 ou ben no email axanela@axanela.gal!Anímate a colaborar ou comparte nas túas redes! 🥰🥰🥰#axanela #ConcellodeAsPontes #aspontescontigo
O pasado venres celebramos a nosa xa tradicional Festa de verán no Multiusos José Ferro (se vos dicimos o “local do polbo” seguro que xa vos situades 😄).Levamos uns poucos petiscos e outros poucos doces, que somos xente de bo dente… Pero, sobre todo, levamos moitas ganas de pasalo ben. E con música de por medio… Pois xa temos a diversión servida! Queremos darlles as grazas aos nosos queridos músicos voluntarios, Manolo e Moncho, que unha vez máis puxeron a banda sonora da tarde e fixéronos bailar e cantar. Nesta ocasión, ademáis, tivemos o pracer de contar tamén cunha xove promesa do acordeón, Kevin, ao que lle queremos desexar que siga desfrutando da música e compartindo ese tremendo talento !Agora chega ese momento do ano no que algunhas persoas collen un descansiño, así que agardamos que desfrutedes dun moi bo verán, que recarguedes as pilas e que voltedes con moitas ganas! E para o resto… Nós seguimos por aquí, que na Xanela o verán tamén está cargado de plans! 😊#AXanela #ConcellodeAsPontes #FestadoVerán
Hai excursións que deixan recordos para moito tempo e a que fixemos hai uns días á Ribeira Sacra é unha delas!A nosa primeira parada foi en Doade, onde iniciamos un agradable percorrido en catamarán polo río Sil, entre impresionantes paisaxes da Ribeira Sacras e interesantes explicacións sobre a historia e particularidades da contorna. E imos confesar unha cousa… Para algunhas das persoas asistentes era a primeira vez que subían nun barco… Con algún nervio ao principio, pero en canto arrancou a travesía xa non querían baixar!Pola tarde puxemos rumbo ao Muferga - Museo do Ferrocarril de Galicia, en Monforte de Lemos, onde descubrimos auténticas xoias sobre raíles. Tivemos a oportunidade de coñecer, por fóra e por dentro, uns cantos trens, algúns de principios do século XX ou aquel no que Xoan Carlos I viaxou ata España sendo un neno. Foi unha visita moi entretida na que aprendemos un montón de curiosidades e puidemos imaxinar como era viaxar noutras épocas ☺️Grazas a todas as persoas que compartiron esta xornada connosco. Agora toca revivila un chisquiño a través destas fotos!#axanela #ConcellodeAsPontes #ocioinclusivo